ട്രാഫിക് നിയമങ്ങൾ തെറ്റിച്ചാൽ സാധാരണ ടാക്സി ഡ്രൈവർമാർക്ക് പിഴ കൊടുക്കണം, എന്നാൽ ട്രാഫിക് നിയമങ്ങൾ കൃത്യമായി പാലിച്ചാലോ? പാരിദോഷികമായി നല്ല തുക ടാക്സി ഡ്രൈവർമാർക്ക് ലഭിക്കും. അങ്ങനെ ഒരു വർഷത്തെ ട്രാഫിക് റെക്കോർഡ് നിലനിർത്തിയതിനു ഷാർജയിലെ ഏറ്റവും സുരക്ഷിതമായ ടാക്സി ഡ്രൈവർമാരെ അടുത്തിടെ ആദരിക്കുക ഉണ്ടായി. അവരുടെ പേരിൽ യാതൊരു നിയമ ലംഘനവും രജിസ്റ്റർ ചെയ്തിട്ടില്ല, അതുപോലെ യാതൊരു അപകടത്തിലും അവർ ഉൾപ്പെട്ടിട്ടില്ല.
ഒസൂൾ ട്രാൻസ്‌പോർട്ട് സൊല്യൂഷൻസിന്റെ ഷാർജ ടാക്സിയുടെയും നേതൃത്വത്തിൽ ഈ വർഷത്തെ ട്രാഫിയ്ക് സേഫ്റ്റി അവാർഡിലാണ് ടാക്സി ഡ്രൈവർമാർക്ക് അംഗീകാരം ലഭിച്ചത്. സ്വർണം വെള്ളി വെങ്കലം എന്നിങ്ങ നെ മൂന്ന് വിഭാഗത്തിലായാണ് അവാർഡ് കൊടുക്കുക. അവാർഡുകൾ ലഭ്യമാകാൻ ഒരു ഡ്രൈവർ ഒരു വർഷം 100000 കിലോമീറ്ററിലധികം ദൂരം പൂർത്തിയാക്കണം എന്നിങ്ങനെ തുടങ്ങി മാനദണ്ഡങ്ങൾ പാലിക്കണം.
മാത്രമല്ല എല്ലാ ട്രാഫിക് നിയമങ്ങളും പാലിക്കുന്നതിന് പുറമെ അവർ യാത്രക്കാരുടെ സംതൃപ്തി ഉറപ്പാക്കുകയും ചെയ്യണം. സുരക്ഷിതമായ ഡ്രൈവിംഗ് രീതികളിൽ ഡ്രൈവർമാരെ പ്രോത്സാഹിപ്പിക്കുന്നതിനു വേണ്ടി റോഡുകളിലെ ട്രാഫിക് അപകടങ്ങൾ കുറക്കുന്നതിന് വേണ്ടിയുമാണ് ട്രാഫിക് സേഫ്റ്റി അവാർഡ് ലക്ഷ്യമിടുന്നതെന്ന് ഷാർജ ടാക്സി ജനറൽ മാനേജർ പറഞ്ഞു.
