ദുബൈ: യുകെ ആസ്ഥാനമായി പ്രവർത്തിക്കുന്ന കൺസൾട്ടിങ് ആൻഡ് ട്രെയിനിങ് സ്ഥാപനമായ ബ്ലൂ ഓഷ്യൻ കോർപറേഷൻ ലോകത്തിലെ തന്നെ ഏറ്റവും വലിയ സപ്ലൈ ചെയിൻ അസോസിയേഷനായ എ എസ് സി എം ന്റെ 2024 എക്സെല്ലെൻസ് പുരസ്കാരം.2024, സെപ്റ്റംബർ 11ന്, ടെക്സസിൽ വെച്ച് എ എസ് സി എം കണക്ട് എന്ന പേരിൽ നടന്ന ചടങ്ങിലാണ് അവാർഡ് പ്രഖ്യാപനം ഉണ്ടായത്.
ലോകത്തിലെ തന്നെ മികച്ച സപ്ലൈ ചെയിൻ ട്രെയിനിങ് ആൻഡ് കൺസൽടിങ് സ്ഥാപനമായ ബ്ലൂ ഓഷ്യൻ കോര്പറേഷന് സപ്ലൈ ചെയിൻ മേഖലയിൽ പ്രവർത്തിക്കുന്ന ജീവനക്കാർക്കും സ്ഥാപനങ്ങൾക്കുമിടയിൽ തങ്ങളുടേതായ വ്യക്തിമുദ്ര പതിപ്പിക്കാൻ സാധിച്ചു എന്നതിന്റെ തെളിവാണ് ഈ അംഗീകാരമെന്നും എ എസ് സി എം പോലെയുള്ള ഒരു മികച്ച സംഘടനയിൽ നിന്നും ഇത്തരമൊരു പുരസ്കാരം നേടാൻ സാധിച്ചതിൽ അതിയായ സന്തോഷമുണ്ടെന്നും ബ്ലൂ ഓഷ്യൻ കോർപറേഷൻ ഗ്രൂപ്പ്‌ സി ഇ ഒ ഡോ സത്യമേനോൻ പറഞ്ഞു. ചടങ്ങിൽ അവാർഡ് സ്വീകരിച്ച് സംസാരിക്കുകയായിരുന്നു അദ്ദേഹം.
യുകെ ക്ക് പുറമെ യു എ ഇ, ഇന്ത്യ, സൗദി അറേബ്യ തുടങ്ങി 16ഓളം രാജ്യങ്ങളിൽ പ്രവർത്തിക്കുന്ന ബ്ലൂ ഓഷ്യൻ കോർപറേഷൻ കഴിഞ്ഞ 26 വർഷത്തിലേറെയായി.ഒന്നരലക്ഷത്തിൽ പരം ആളുകൾക്കും ആയിരത്തിലേറെ കോർപ്പറേറ്റ്
സ്ഥാപനങ്ങൾക്കും മികച്ച രീതിയിലുള്ള ട്രെയിനിങ്, കൺസൽടിങ് സേവനങ്ങൾ ലഭ്യമാക്കി വരുന്നു.
ആഗോള തലത്തിൽ സപ്ലൈ ചെയിൻ മേഖലയുടെ പ്രാധാന്യത്തെ പരിചയപ്പെടുത്തുന്നതിനോടൊപ്പം സമാനതകളില്ലാത്ത സേവനങ്ങൾ നൽകിക്കൊണ്ട് മറ്റു സ്ഥാപനങ്ങളെയും ഈ മേഖലയിൽ പ്രവർത്തിക്കുന്ന ജീവനക്കാരെയും വിജയം കൈവരിക്കാൻ സഹായിക്കുക എന്ന ലക്ഷ്യത്തോടെ പ്രവർത്തിക്കുന്ന സ്ഥാപനമാണ് ബ്ലൂ ഓഷ്യൻ കോർപറേഷൻ എന്നും ഈ അംഗീകാരം തങ്ങൾക്ക് കൂടുതൽ ആത്മവിശ്വാസം നൽകുന്നുണ്ടെന്നും മുൻ ഇന്ത്യൻ ക്രിക്കറ്റ്‌ ടീം ക്യാപ്റ്റനും ബ്ലൂ ഓഷ്യൻ കോർപറേഷൻ ഡയറക്ടർ ബോർഡ്‌ അംഗവുമായ സൗരവ് ഗാംഗുലി പറഞ്ഞു.
