ദുബൈ: മലയാളി ഉടമസ്ഥതയിലുള്ള ഇന്ത്യയിലെ റിച്ച്മാക്സ് ഗ്രൂപ്പിന്റെ ആദ്യ അന്തർദേശിയ ഓഫീസ് ദുബൈയിൽ തുറക്കും.ജൂലൈ 26 ന് ദുബൈ ഗ്രാന്ഡ് ഹയാത്തിലാണ് ഉദ്ഘാടന ചടങ്ങ് നടക്കുക.കരാമയിലാണ് ആദ്യ ബ്രാഞ്ച് ആരംഭിക്കുന്നത്.2030 ആകുമ്പോഴേക്കും മിഡിലീസ്റ്റില് പ്രവർത്തനം വിപുലപ്പെടുത്തും.വിശ്വാസം, സേവനം, നവീകരണം എന്നിവയിൽ അധിഷ്ഠിതമായി സാമ്പത്തിക സേവനങ്ങൾ, യാത്ര, ടൂറിസം, വ്യാപാരം, കമ്മ്യൂണിറ്റി സംരംഭങ്ങൾ തുടങ്ങിയ മേഖലകളിലായി തങ്ങളുടെ ബിസിനസ് പ്രവർത്തനങ്ങൾ വ്യാപിപ്പിക്കുക എന്നതാണ് ലക്ഷ്യമെന്ന് റിച്ച്മാക്സ് ഗ്രൂപ്പിന്റെ ചെയർമാനും മാനേജിംഗ് ഡയറക്ടറുമായ അഡ്വ. ജോർജ് ജോൺ വാലത്ത് വാർത്താ സമ്മേളനത്തിൽ പറഞ്ഞു.
2027 ആകുമ്പോഴേക്കും യുഎഇയിലെ എല്ലാ എമിറേറ്റുകളിലേക്കും പ്രവർത്തനം വ്യാപിപ്പിക്കാൻ ഞങ്ങൾ പദ്ധതിയിടുന്നു. 2030 ആകുമ്പോഴേക്കും ജിസിസി മേഖലയിലുടനീളം റിച്ച് മാക്സിന്റെ സാന്നിദ്ധ്യം ഉണ്ടാവും’- അഡ്വ. ജോർജ് ജോൺ വാലത്ത് പറഞ്ഞു. പ്രാദേശിക സമൂഹങ്ങളുമായി ഇടപഴകുന്നതിനും ഉത്തരവാദിത്ത ടൂറിസം പ്രോത്സാഹിപ്പിക്കുന്നതിനും മാനവിക സംരംഭങ്ങളിലൂടെ സമൂഹത്തെ പിന്തുണയ്ക്കുന്നതിനും ഗ്രൂപ്പ് പ്രതിജ്ഞാബദ്ധമാണെന്ന് അദ്ദേഹം കൂട്ടിച്ചേർത്തു.
റിച്ച് മാക്സ് ഗ്രൂപ്പ് ചെയർമാനും മാനേജിങ്ങ് ഡയറക്ടറുമായ അഡ്വ. ജോർജ് ജോൺ വാലത്തിനെ കൂടാതെ റിച്ച് മാക്സ് ഗ്രൂപ്പ് ഡയറക്ടർമാരായ ജോളി സി എം, പ്രവീൺ ബാബു റീജിയണൽ ഹെഡ് സജീഷ് ഗോപാലൻ, ഡയറക്റ്റ് ചാനൽ വൈസ് പ്രസിഡണ്ട് ജോഫ്രിൻ സേവ്യർ, വൈസ് പ്രസിഡന്റ് സ്ട്രാറ്റജി പ്രമോദ് പി വി, ടൂർസ് സീനിയർ മാനേജർ മുജീബ് റഹ്മാൻ എന്നിവരും വാർത്താ സമ്മേളനത്തിൽ പങ്കെടുത്തു.
