ദുബൈ : യു.എ.ഇയിൽ സ്വർണ വിലയിൽ വർധന. 24 കാരറ്റ് സ്വർണത്തിൻ്റെ വില ഗ്രാമിന് 507 ദിർഹമായാണ് വർധിച്ചത്. കഴിഞ്ഞ ദിവസം 503 ദിർഹമായിരുന്നു വില.
22 കാരറ്റ് സ്വർണ്ണത്തിന്റെ വില ഗ്രാമിന് 466.50 ദിർഹത്തിൽ നിന്നും 470 ദിർഹമായും ഉയർന്നു. ആഗോള വിപണിയുടെ ചുവട് പിടിച്ചാണ് യുഎയിലും വില ഉയർന്നത്.
ആഗോള വിപണിയിൽ സ്പോട്ട് ഗോൾഡിന്റെ വില ഔൺസിന് 19 ഡോളർ ഉയർന്ന 4200 ഡോളറിലാണ് വ്യാപാരം. യുഎസ് ഫെഡറൽ റിസർവ് പലിശ കുറക്കുമെന്ന് പ്രതീക്ഷയാണ് സ്വർണത്തിന് കരുത്താകുന്നത്.
പലിശ നിരക്ക് നിശ്ചയിക്കാനുള്ള ഫെഡറൽ റിസർവ് യോഗം അടുത്തയാഴ്ച നടക്കും. ഇതിന് ശേഷം സ്വർണ വിലയിൽ വലിയ മാറ്റങ്ങളുണ്ടാവുമെന്നാണ് പ്രതീക്ഷിക്കുന്നത്.
