തെഹ്റാൻ : പശ്ചിമേഷ്യയിലെ സംഘർഷം തുടരുന്നതിനിടെ ആഗോള വിപണിയിൽ എണ്ണവില ഇനിയും ഉയരാനിടയുണ്ടെന്ന് മുന്നറിയിപ്പ് നൽകി ഇറാൻ . മേഖലയിലെ സംഘർഷാവസ്ഥയും കടൽഗതാഗതത്തിലെ അനിശ്ചിതത്വവും തുടരുകയാണെങ്കിൽ വിതരണത്തിൽ തടസ്സം ഉണ്ടാകുമെന്നും അതുവഴി വില വീണ്ടും കുതിച്ചുയരാമെന്നും ഇറാൻ അധികൃതർ വ്യക്തമാക്കി.
പ്രത്യേകിച്ച് ഹോർമുസ് ഉൾപ്പെടെയുള്ള പ്രധാന കടൽപാതകളിലെ സുരക്ഷാ ആശങ്കകൾ എണ്ണ വിപണിയെ നേരിട്ട് ബാധിക്കുമെന്നാണ് വിലയിരുത്തൽ. ലോകത്തിലെ വലിയൊരു വിഹിതം എണ്ണ കയറ്റുമതി ഈ കടലിടുക്കിലൂടെ കടന്നുപോകുന്നതിനാൽ ഇവിടെ ഉണ്ടാകുന്ന ഏത് സംഘർഷവും ആഗോള വിപണിയിൽ വില വർധനവിന് കാരണമാകുമെന്നാണ് വിദഗ്ധരുടെ അഭിപ്രായം.
നിലവിലെ സംഘർഷാവസ്ഥ നീണ്ടാൽ അന്താരാഷ്ട്ര വിപണിയിൽ എണ്ണവില വീണ്ടും ശക്തമായി ഉയരാൻ സാധ്യതയുണ്ടെന്നാണ് ഇറാൻ നൽകുന്ന മുന്നറിയിപ്പ്.
