ദുബൈ : യുഎഇയിൽ ബാങ്കിംഗ് ഇടപാടുകളിൽ വലിയ മാറ്റം വരുന്നു. എസ്എംഎസ് സംവിധാനം പൂർണമായി ഒഴിവാക്കി, പുതിയ ആപ്പ് അധിഷ്ഠിത സുരക്ഷാ സംവിധാനം നടപ്പിലാക്കുന്നു.
യുഎഇ സെൻട്രൽ ബാങ്കിന്റെ നിർദ്ദേശപ്രകാരം 2026 മാർച്ചോടെ എല്ലാ ബാങ്കുകളും OTP സംവിധാനം നിർത്തലാക്കും.
ഇതിനുപകരമായി മൊബൈൽ ബാങ്കിംഗ് ആപ്പിലൂടെ തന്നെ ഇടപാടുകൾ നടത്താം. ഫിംഗർപ്രിന്റ്, ഫെയ്സ് റിയാക്ഷൻ പോലുള്ള ബയോമെട്രിക് സംവിധാനങ്ങളാണ് പ്രധാനമായും ഉപയോഗിക്കുക.
OTP സംവിധാനം ഫിഷിംഗ്, സിം സ്വാപ്പിംഗ് പോലുള്ള സൈബർ തട്ടിപ്പുകൾക്ക് ഇരയാകുന്ന സാഹചര്യം വർധിച്ചതിനാലാണ് ഈ മാറ്റം.
പുതിയ സംവിധാനം കൂടുതൽ സുരക്ഷയും വേഗതയും ഉറപ്പാക്കുമെന്ന് അധികൃതർ വ്യക്തമാക്കി.
ഉപഭോക്കൾ, ബാങ്കിംഗ് ആപ്പുകൾ അപ്ഡേറ്റ് ചെയ്ത് ബയോമെട്രിക് സൗകര്യങ്ങൾ സജ്ജമാക്കണമെന്നും അധികൃതർ നിർദേശിക്കുന്നു.
