ദുബൈ : അബൂദബിയിലെ പ്രശസ്ത വിനോദസഞ്ചാര കേന്ദ്രമായ യാസ് വാട്ടർവേൾഡ് വികസന പ്രവർത്തനങ്ങൾ പൂർത്തിയാക്കി വീണ്ടും പൊതുജനങ്ങൾക്കായി തുറന്നു നൽകുന്നു.
ഏപ്രിൽ 4നാണ് ഇവിടം പൊതുജനങ്ങൾക്കായി തുറന്ന് നൽകുന്നത്. പാർക്കിന്റെ വിസ്തൃതി വർധിപ്പിച്ച് നിരവധി പുതിയ റൈഡുകളും ആകർഷണങ്ങളും ഉൾപ്പെടുത്തിയിട്ടുണ്ട്. കുടുംബങ്ങളെയും കുട്ടികളെയും ലക്ഷ്യമിട്ട് കൂടുതൽ വിനോദ സൗകര്യങ്ങൾ ഒരുക്കിയതായും അധികൃതർ അറിയിച്ചു. സുരക്ഷയും സേവന നിലവാരവും മെച്ചപ്പെടുത്തിയതോടെ സന്ദർശകർക്കുള്ള അനുഭവം കൂടുതൽ മികച്ചതാകുമെന്നാണ് പ്രതീക്ഷ. വിനോദസഞ്ചാര സീസണിനോട് അനുബന്ധിച്ച് കൂടുതൽ ആളുകളെ ആകർഷിക്കുകയാണ് വിപുലീകരണ പദ്ധതിയുടെ പ്രധാന ലക്ഷ്യം.
