മഴയാണോ പെരുമഴ ചൂടാണോ കൊടും ചൂട്

അബുദബി :ശക്തമായ മഴയും ആലിപ്പഴ വീഴ്ചയും രാജ്യത്ത് ഏറ്റവും അധികം ചൂട് രേഖപ്പെടുത്തുന്ന അതേ സ്ഥലങ്ങളിൽ തന്നെ. ദുബൈയിൽ ഈ സീസണിൽ കാര്യമായ വേനൽ മഴ ലഭിച്ചിട്ടില്ല. മാത്രമല്ല യുഎഇയിൽ കഴിഞ്ഞ 9 വർഷത്തിനിടെ റെക്കോർഡ് ചൂട് രേഖപ്പെടുത്തിയത് ഓഗസ്റ്റ് മാസത്തിലാണ്. 2017 ൽ ഓഗസ്റ്റ് മാസത്തിൽ അബുദബി മൊസൈറയിൽ രേഖപ്പെടുത്തിയ 51.4ഡിഗ്രീ സെൽഷ്യസ് എന്ന ഉയർന്ന താപനിലയെ മറികടന്ന് 2025 ലെ ഓഗസ്റ്റ് 1 ന്
അൽ ഐനിലെ സ്വീഹാനിൽ 51.8 ഡിഗ്രീ സെൽഷ്യസ് രേഖപ്പെടുത്തിയത്.
എന്നാൽ ഓഗസ്റ്റ് 10 ഞായറാഴ്ച്ച വരെ മഴ തുടരുമെന്നും കാലാവസ്ഥ വകുപ്പ് മുന്നറിയിപ്പ് നൽകിയിട്ടുണ്ട്.
ഇന്ന് അൽ ഐനിൽ ആലിപ്പഴവർഷത്തോടൊപ്പം മിതമായതോ കനത്തതോ ആയ മഴയ്ക്ക് സാധ്യതയുണ്ടെന്നും യുഎഇ കാലാവസ്ഥ വകുപ്പ്.