അബൂദബി: യുഎഇയുടെ 52 മത് ദേശിയ ദിനത്തിത്തോടനുബന്ധിച്ച് 1018 തടവുകാരെ മോചിപ്പിക്കാൻ യുഎഇ പ്രസിഡന്റ് ഹിസ് ഹൈനെസ്സ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ ഉത്തരവിട്ടു. മോചിതരായവർക്കു പുതിയ ജീവിതം ആരംഭിക്കാനും അവരുടെ കുടുംബങ്ങൾക്കും പ്രിയപ്പെട്ടവർക്കും സന്തോഷം നൽകാനും അവസരം നൽകുക ആണ് ഈ ഉത്തരവിലൂടെ. മോചിപ്പിക്കപ്പെടുന്നവർ എത്രയും വേഗം അവരുടെ കുടുംബങ്ങളിലേക്ക് മടങ്ങാൻ കഴിയുമെന്ന് ഉറപ്പാക്കാൻ ആവശ്യമായ നടപടികൾ ബന്ധപ്പെട്ട അധികാരികൾ ആരംഭിച്ചിട്ടുണ്ട്.
എല്ലാ വർഷവും ദേശീയ ദിനത്തോടനുബന്ധിച്ച് തടവുകാരെ മോചിപ്പിക്കാൻ ഭരണാധികാരികൾ ഉത്തരവിടാറുണ്ട്. ദേശീയ ദിനത്തോടനുബന്ധിച്ച് ഷാർജയിൽ 475 തടവുകാർക്കും ഷാർജ ഭരണാധികാരി ഷെയ്ഖ് സുൽത്താൻ ബിൻ മുഹമ്മദ് അൽ ഖാസിമി പ്രഖ്യാപിച്ചിട്ടുണ്ട്.
